Dienste

spirituele welwees

Spirituele welwees vorm die grondslag van ons menslike bestaan en is gewortel in ons verhouding met God. Doel in die lewe kan beskryf word as die sin en rigting wat ŉ mens in sy of haar lewe ervaar. In ŉ Christelike konteks beteken dit om jou identiteit en doel in Christus te vind. Tyd in die natuur, soos beskryf in Psalm 19 verse 1 en 2 (“Die hemelruim verkondig die eer van God en die hemelkoepel maak die werk van sy hande bekend. Dag ná dag bring dit ‘n boodskap voort en nag ná nag deel dit kennis mee”), bied ŉ ruimte vir stilte en refleksie, waar ‘n mens jou gees kan vernuwe en jou fokus op God se skepping kan herstel.

Verhouding met die Here: Dit is die bron van ware vervulling, waar ons deur gebed, aanbidding en die Bybel leer om in ooreenstemming met God se wil te leef. Dit sluit in die vermoë om te vertrou dat God in beheer is en jou in alle omstandighede lei – Jesaja 26 vers 3 Jesaja 26 “’n Standvastige gesindheid sal U in volkome vrede bewaar, omdat daar op U vertrou word”.
Tyd in die natuur: Die bestuur van ons omgewing is belangrik vir welwees. Dit reflekteer die Christelike beginsel van verantwoordelikheid vir die skepping, waar ons ŉ bewustheid ontwikkel van ons plek in God se natuur.
Doel in die lewe: Mense wat ŉ sterk gevoel van doel het, is geneig om hoër vlakke van welwees te ervaar. In ŉ Christelike konteks herinner Jeremia 29:11 (“Ja, Ek ken die planne wat Ek vir julle het,” is die uitspraak van die Here. “Dit is planne van voorspoed, en nie teenspoed nie, om aan julle ‘n toekoms en hoop te gee”) ons daaraan dat God ŉ plan vir ons lewe het, ŉ plan van voorspoed en hoop.

sielkundige welwees

Sielkundige welwees verwys na ‘n toestand van optimale ontwikkeling van liggaam, siel en gees waar ‘n individu in staat is om die uitdagings van die lewe effektief te hanteer, positiewe verhoudings te bou, produktief te werk en ‘n gevoel van doel en vervulling te ervaar. Dit behels die algehele balans en harmonie tussen ‘n individu se gedagtes, emosies en gedrag.

Self-aanvaarding: Self-aanvaarding staan sentraal tot gesonde funksionering. Dit beteken om ŉ realistiese beeld van jouself te hê, beide jou sterkpunte en swakhede, en vrede daarmee te hê. Dit sluit ook in die geloof dat jy geskape is volgens God se beeld (Genesis 1:27 – “God het die mens geskep na sy beeld, na die beeld van God het Hy hom geskep, manlik en vroulik het Hy hulle geskep”) en dat jy waardevol is in Sy oë.
Emosionele Welwees: Dit behels die vermoë om jou emosies op ŉ gesonde manier te verwerk, om vrede en vreugde te ervaar, selfs te midde van moeilike omstandighede. Emosionele balans dra by tot ŉ hoër vlak van geluk en tevredenheid. Spreuke 17:22 sê: “’n Vrolike hart is goed vir herstel, maar ‘n neerslagtige gees sal die gebeente uitdroog” wat aandui hoe ons geestelike en emosionele gesondheid met mekaar verweef is.
Positiewe Groei: Hierdie dimensie is gefokus op persoonlike groei en ontwikkeling, wat beteken dat ŉ mens voortdurend streef na self verbetering en geestelike volwassenheid. Dit sluit in om voortdurend meer soos Christus te word (2 Korintiërs 3:18 “En ons almal, terwyl ons met ontsluierde gesig die heerlikheid van die Here aanskou, soos in ‘n spieël, word na dieselfde beeld verander, van heerlikheid tot heerlikheid, soos afkomstig van die Here, die Gees”) en om jou gawes en talente tot volle potensiaal te ontwikkel.

sosiale WELWEES

Sosiale welwees beskryf die verhouding tussen ŉ individu en die gemeenskap. Hulle moet verbind voel, ondersteuning ervaar en betekenisvolle rolle vervul in hul sosiale verhoudings:

Positiewe Verhoudings met Ander: Dit gaan oor diep en betekenisvolle verhoudings, gebaseer op liefde en ondersteuning. Positiewe verhoudings help jou om jou plek in die samelewing te vind en gevoelens van vervreemding te verminder. In ŉ Christelike konteks, weerspieël Jesus se opdrag in Johannes 15:12, “Julle moet mekaar liefhê, net soos Ek julle liefgehad het”, die belangrikheid van gesonde verhoudings.
Outonomiteit: Outonomiteit is die vermoë om onafhanklik besluite te neem en in ooreenstemming met jou eie waardes te leef. In ŉ Christelike sin beteken dit om te leef volgens God se wil, eerder as om deur die wêreld beïnvloed te word. Dit word bevestig in Romeine 12:2 – “Julle moenie aan hierdie wêreld gelykvormig wees nie, maar verander word deur die vernuwing van julle denke, sodat julle goed kan onderskei wat die goeie en aanneemlike en volmaakte wil van God is”. Dit sluit in om vry te wees van wêreldse druk, terwyl ons op God vertrou vir leiding en wysheid.
Bestuur van die Omgewing: Dit is die vermoë om jou omgewing te bestuur, aan te pas en te beheer. ŉ Gevoel van beheer oor jou omstandighede dra by tot welwees. Genesis 1:28 gee die mensdom opdrag om oor die aarde te heers en dit te versorg, wat ŉ gevoel van verantwoordelikheid en verbondenheid met die skepping insluit.
Sosiale Verhoudings en Interaksies: Mense wil in sosiale bande leef, wat hulle help om betekenisvolle lewens te lei. Dit sluit in om deel te wees van ŉ gemeenskap van geloof, wat geestelike en emosionele ondersteuning bied. Hebreërs 10:25 beklemtoon die belangrikheid van sosiale verbondenheid. Hebreërs 10:24 – 25 “Laat ons ons ook daarop toelê om mekaar aan te spoor tot liefde en goeie dade, sonder om ons eie samekoms te verwaarloos, soos sommige se gewoonte is; laat ons eerder mekaar aanmoedig”.
Verbondenheid met Ander en die Gemeenskap: Verbondenheid is noodsaaklik vir gesonde sosiale funksionering. Dit beteken om deel te wees van ŉ gemeenskap waar jy ŉ gevoel van behoort het. Hierdie verbondenheid verhoog jou algehele geluk en sinvolheid in die lewe. In ŉ Christelike konteks beteken dit om ‘n aktiewe rol te speel in die liggaam van Christus, waar elke lid waardevol is en bydra tot die groter geheel. 1 Korintiërs 12:12 – 14 “Want soos die liggaam ‘n eenheid is, maar uit baie ledemate bestaan, en al die ledemate van die liggaam, alhoewel hulle baie is, een liggaam vorm, so is dit ook met Christus. En ons is tog álmal deur die een Gees in een liggaam in gedoop – Jode of Grieke, slawe of vrymense – en ons is almal met een Gees deurdrenk. Inderdaad, die liggaam bestaan nie uit een ledemaat nie, maar uit baie”.

Huweliksvoorbereiding en huweliksverryking

Huweliksvoorbereiding

Voorbereiding vir die huwelik help paartjies om te verstaan dat hul verhouding gewortel is in Christus. Terapie sluit in die bou van ‘n geestelike fondament, die hantering van verwagtinge, kommunikasie, konflikhantering, en finansiële beplanning volgens Bybelse riglyne. Efesiërs 4:2-3 se beginsels van nederigheid, sagmoedigheid en geduld vorm ‘n kern rol in die proses.

Huweliksverryking

Hierdie proses gaan oor die verdieping van die verhouding deur fokus op geestelike groei. Paartjies leer om mekaar beter te ondersteun, liefde uit te druk volgens 1 Korintiërs 13, en om hul huwelik as ‘n weerspieëling van Christus se verhouding met die kerk te beskou. Aktiwiteite soos retreats, reflektiewe gesprekke, en geloofsgebaseerde doelwitte help om die huwelik te versterk.

Gesinsterapie

Die gesin as ‘n eenheid word holisties benader, met fokus op kommunikasie, respek en liefde. Bybelse beginsels soos Johannes 13:34 (“Julle moet mekaar liefhê”) word gebruik om verhoudings te herstel. Tyd in gebed en Bybelstudie versterk die gesinsverband.

Ouer-kind verhouding

In hierdie begeleiding fokus ons op gesonde dissipline, liefdevolle grense en Bybelse waardes soos Efesiërs 6 verse 1 tot 4. Terapie help ouers om hul kinders geestelik en emosioneel te ondersteun, te lei deur Christelike onderrig en die bevordering van respek en begrip.

Huweliksterapie

Hierdie vorm van terapie fokus op die geestelike, emosionele en fisiese dimensies van die huwelik. Deur Bybelse beginsels soos Efesiërs 5:25-33 te gebruik, word paartjies gelei om Christus as die middelpunt van hul huwelik te stel. Terapie sluit in kommunikasievaardighede, vergifnis, en hoe om konflik volgens Christelike waardes te hanteer. Paartjies word aangemoedig om tyd in gebed en Bybelstudie deur te bring om geestelike intimiteit te versterk.

Trauma verwerking

Trauma-terapie help mense om genesing te vind deur ‘n geloofsgebaseerde benadering. Jeremia 29:11 herinner hulle aan God se plan en toekoms. Verskeie tegnieke soos positiewe herformulering kan saam met geestelike praktyke soos gebed en vergifnis geïntegreer word om diepgaande innerlike genesing te bring.

Depressie en Angs

Hierdie terapie integreer geloof en sielkundige beginsels. Kognitiewe gedragsterapie (CBT) help kliënte om hul gedagtes te herstruktureer, terwyl Bybelse waarhede hul identiteit in Christus bevestig (Psalm 34:17-18). Gebed, Skrif meditasie, en ondersteuning van die geloofsgemeenskap kan emosionele genesing bevorder en vrees verminder.

GROEPE

Ons bied ‘n unieke geleentheid vir mense om saam te kom en te leer oor holistiese welwees, met die fokus op liggaam, siel, en gees. Ons glo dat die volle menswees in God gewortel is, soos God in Genesis 2:7 die lewensasem in die mens geblaas het. Dit beteken dat ons nie net in een dimensie van ons lewe vervulling kan vind nie, maar in al drie dimensies moet leef — fisies, emosioneel, en geestelik — om werklik betekenis te ervaar.

Die groepe wat ons aanbied, fokus op welwees as ‘n proses van holistiese selfontwikkeling, gebaseer op persoonlike doelwitte. Ons bied ‘n veilige ruimte waar mense kan deelneem aan interaktiewe sessies wat hul verhoudings, emosies, en geestelike lewe versterk. Elke groep is gerig daarop om mense te help om gesonde, gebalanseerde lewens te lei, waar Christus die fondament van groei en genesing is.

Wat behels die groepe?

Die groepe is gebaseer op die holistiese benadering tot terapie en berading, waar ons glo dat ‘n mens nie net as ‘n fisiese of sielkundige wese gesien moet word nie, maar as ‘n geheel wat liggaam, siel en gees insluit. Ons fokus op die verskillende dimensies van welwees deur middel van besprekings oor:

Spirituele Welwees

Ons begelei mense om meer bewus te wees van God se teenwoordigheid en om betekenis en doel in Christus te vind. Dit sluit refleksie, gebed, en tyd in die natuur in om die gees te vernuwe.

Sielkundige Welwees

Ons leer mense hoe om selfaanvaarding en emosionele gesondheid te bevorder, en hoe om positiewe groei na te streef in ‘n Christelike konteks. Die fokus is op innerlike groei en die ontwikkeling van ‘n vreedsame, gebalanseerde lewe.

Sosiale Welwees

In die groepe bespreek ons hoe om betekenisvolle verhoudings met ander te bou en hoe om jou plek in jou gemeenskap te vind, met die doel om vervreemding te verminder en ondersteunende netwerke te vorm.

In elke aanbieding gee ons praktiese riglyne vir hoe om in harmonie met jouself, ander, en met God te leef. Deur saam te leer en te groei, kan individue hul potensiaal maksimeer en ‘n lewe lei wat werklik vervulling bied, in ooreenstemming met God se wil.

Wanneer ons die welwees in groep aanbied nooi ons jou uit om deel te word van hierdie groepe en om saam met ander die pad na welwees te stap.

Mans en Vrouens

Mans terapie fokus op verantwoordelikheid, leierskap en emosionele gesondheid. Romeine 12:2 lei mans om volgens God se wil te leef en ‘n balans tussen werk, gesin en geestelike lewe te handhaaf. Hulle word gelei om ‘n Christelike rolmodel te wees in hul gesinne en gemeenskap.

Vrouens word gehelp om hul waarde in Christus te ontdek en emosionele gesondheid te bou deur Bybelse beginsels soos Spreuke 31. Terapie sluit in selfaanvaarding, konflikhantering en geestelike groei om ‘n vol, gebalanseerde lewe te lei.

TIENERS

Terapie fokus op die uitdagings van tienerjare, soos identiteit en groepsdruk. Deur Christus se voorbeeld en 1 Timoteus 4:12 word hulle gelei om sterk geestelike en emosionele leierskap te ontwikkel. Tieners leer om gebed en Skrif te gebruik om deur moeilike emosies en besluite te werk.